Жаңа қаулыға сәйкес, Ashyq қосымшасына тіркелгеніне қарамастан концерт залдары, театр, цирк қызметіне тыйым салынды.
Сонымен қатар діни нысандарға, діни нысандарда ұжымдық іс-шара өткізуге, конференциялар мен семинарлар, көрме және форумдар өткізуге, түнгі клуб жұмысына, караоке қызметіне тыйым салынған.
Қоғамдық тамақтану орындарындағы адам санына да шектеу енгізілді. Енді бір үстелде келушілердің саны 4 адамнан аспауға тиіс, кинотеатрлар 30%-ін толтырып жұмыс істей алады.
Қызметкерлердің коронавирусқа қарсы вакцина немесе ревакцинациядан өткенінен қарамастан, қала тіршілігін қамтамасыз ету және коммуналдық шаруашылық нысандарын қоспағанда мемлекеттік органдар, ұлттық компаниялар, кәсіпорын қызметкерлерінің кемінде 70%-і қашықтан жұмыс істеуге ауыстырылады, — делінген қаулыда.
Меншік нысанына қарамастан мектептер қашықтан оқытуға ауысады. Ал жоғары оқу орындары мен колледж студенттері аралас форматта білім алады.
Қосымша білім беру ұйымдарында жеке сабақтар штаттық режимде 10 адамға дейін, балалар мен ересектерге арналған түзету орталықтарында жеке және топтық сабақтар штаттық режимде 10 адамға дейін жиналып өткіуге болады.
Қаулы 2022 жылдың 14 қарашасынан бастап күшіне енеді. Қаулының толық мәтінін мына жерден оқуға болады.
