Орталықтың мәліметінше, қаланың бірнеше аумағы қылмыскерлерден тазартылды. Кей аудандарында тазарту жұмысы әлі жалғасып жатыр.
Сайын – Райымбек – Карьерная – Жандосов көшелерінің аумағы, Абай – Достық – Әл-Фараби – Желтоқсан көшелерінің аумағы қылмыскерлерден тазартылды. Әуезов, Алатау және Медеу аудандарын тазарту жұмыстары жалғасып жатыр, — делінген хабарламада.
Сонымен бірге лаңкестік, тонау және басқа да қылмыстардың 508 қатысушысы ұсталған, 22 бірлік атыс қаруы мен 1412 оқ-дәрі тәркіленген. Блок-бекеттерде 56 адам, 9 көлік ұсталған.
«102» басқару пультіне 1021 хабарлама келіп түсті. Комендатураның Кол-центріне азаматтардан жедел әрекет етуді талап ететін 525-і дабыл түсті. Барлық хабарлама өңделді, — деп жазды Алматы комендатурасының ақпараттық орталығы.