Нұр-Сұлтан мен Алматыдан Сочиге әуе рейстері қаңтарда ашылады

Алматы мен Нұр-Сұлтаннан Сочиге тұрақты әуе рейстері қайта басталады. Бұл туралы Индустрия және инфрақұрылымдық даму министрлігінің Азаматтық авиация комитеті хабарлады.

Ресейдің «Северный ветер» әуе компаниясы 2022 жылдың 15 қаңтарынан бастап Нұр-Сұлтан — Сочи бағытында аптасына 1 рейс, сенбі күндері ұшуды жоспарлап отыр. Сонымен бірге, 2022 жылғы 18 қаңтардан бастап Алматы — Сочи бағытында аптасына 1 рейс Б737/А321 әуе кемелерімен ұша бастайды.

Нұр-Сұлтан — Сочи және Алматы — Сочи бағыттары бойынша әуе қатынасын қалпына келтіруге Қазақстан Республикасының аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссияның және Ресей Федерациясының аумағына жаңа коронавирус инфекциясының әкелінуі мен таралуының алдын алу жөніндегі жедел штабтың шешімдеріне сәйкес рұқсат етіледі. Рейстер санын одан әрі арттыру эпидемиологиялық жағдайға және ҚР ведомствоаралық комиссиясы мен РФ жедел штабының тиісті шешімдеріне байланысты болады, — делінген хабарламада.

Рейстер санитарлық-эпидемиологиялық талаптарды қатаң сақтай отырып және әуе компаниясының сайтында жарияланған кестеге сәйкес орындалады.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз