Бұл туралы Алматы әкімдігінің мәдениет басқармасы мәлімдеді.
Отшашу Астана алаңында (ҚБТУ) сағат 21.00-де басталады.
Қала әкімдігі сонымен бірге мерекеге орай Алматыда 110-нан аса түрлі іс-шара өтетінін хабарлады:
- 15 желтоқсанда №1 оқушылар үйінде «Жасай бер, қазақ елі» атты концерт өтеді;
- Осы күні Наталья Сац атындағы мемлекеттік академиялық орыс балалар мен жасөспірімдер театрында «Тәуелсіздік игілігі үшін еңбек» атты іс-шара ұйымдастырылады. Оған мәдениет және өнер қайраткерлері қатысады;
- Жастар Сайран көлі жағасында экоакция өткізеді;
- 16 желтоқсанда «Тұран» университеті флэшмоб ұйымдастырады, ал Абай атындағы мемлекеттік опера және балет театрында «Абылай хан» операсының премьерасы болады.
- Тәуелсіздік күні Ұлттық кітапханада «Тұғыры биік Тәуелсіздік» атты іс-шара өтеді.
