Бұл туралы Ақорданың баспасөз қызметі хабарлады.
Мемлекет басшысы «Қазақстан Республикасы Тәуелсіздігінің отыз жылдығына байланысты рақымшылық жасау туралы» Қазақстан Республикасының заңына қол қойды, — делінген хабарламада.
Айта кетейік, былтыр президент Қасым-Жомарт Тоқаев 2021 жылы — Қазақстан Тәуелсіздігінің 30 жылдығына орай мемлекетке қауіп келтірмейтін қылмыс жасаған адамдарға амнистия жарияланатынын айтқан болатын.
3 қарашада ішкі істер министрі Ерлан Тұрғымбаев Мәжілістің жалпы отырысында рақымшылыққа кімдер ілінетінін айтты.
2 желтоқсан күні Сенат депутаттары «Қазақстан Республикасы Тәуелсіздігінің отыз жылдығына байланысты рақымшылық жасау туралы» заң жобасын қабылдады.
