Эстафета екі бөлімге бөлініп, Қабанбай батыр – Достық – Қонаев – Қабанбай батыр – Бараев – Республика алаңы – Кенесары көшелері арқылы өтеді. Алау ұстаушылар барлығы 12 шақырымды жүріп өтпек.
Қала әкімшілігінің хабаралуынша, бүгін сағат 12:45-тен 15:00-ге дейін төмендегі жолдар жабылады:
— Түркістан көшесінен Д. Қонаев көшесі арқылы Қабанбай батыр даңғылына дейін;
— Қабанбай батыр даңғылынан Республика алаңындағы «Рамстор» дүкенінің көлік тұрағына дейін;
— Республика алаңынан Кенесары көшесіне дейін;
— Кенесары көшесінен Астана қаласының ескі алаңына дейін.
Жолдар шара аяқталғанша жабық болады.