Бұл туралы Polisia.kz хабарлады.
Әлеуметтік желіде тараған видеода үш жігіттің лифтіге кіргенін көруге болады. Ортада тұрған біреуі есікке түкіре бастайды. Ал лифт ашылғаннан кейін бәрі күледі. Жейде киген біреуі сол үйде тұратын адамға ұқсайды.
Видео анықтамасында «Нұр-Сұлтан, Медина тұрғын үйі» деп көрсетілген.
Посмотреть эту публикацию в Instagram
Қалалық полиция департаменті осы оқиғаның астанада болғанын растады.
25 қараша түнгі уақытта үш жігіт Сарыарқа ауданындағы Ақан сері көшесінің бойында орналасқан «Медина» тұрғын үй кешенінде үш жігіт лифтіге кірген. Біреуі есіктің ойығына түкіре бастады. Ол 22 жастағы қала тұрғыны болып шықты, — дейді полицейлер.
Жас жігіт әкімшілік құқықбұзушылық туралы кодекстің 434-бабы («Ұсақ бұзақылық») бойынша жауапқа тартылды. Оған сәйкес, 5 айлық есептiк көрсеткiш (14 585 теңге) мөлшерiнде айыппұл салу немесе 10 тәулiкке дейiнгi мерзiмге әкiмшiлiк қамаққа алу жазасы қарастырылған.
Бұзақы мас болған. Сол үшін тағы 14 585 теңгенің айыппұл салынды. Ол полиция бөлімшесінде видео арқылы қала тұрғындарынан кешірім сұрады.
