Бұл туралы Украина ішкі істер министрлігінің баспасөз қызметі хабарлады.
Интернет пен автоматтандырылған жүйелерді пайдаланып, жеке деректердің қорғалуына нұқсан келгені хабарланды.
Бірлескен іс-қимыл нәтижесінде 200 миллионға жуық адамның, соның ішінде Қазақстан, Молдова, Белоруссия, Украина және ТМД азаматтарының жеке деректері заңсыз таратылған ірі веб-ресурстардың бірінің қызметі тоқтатылды, — делінген хабарламада.
Бұғатталған сайтта азаматтардың телефон нөмірлері, аты-жөні, тіркелген жерлері, ал кейбір жағдайларда көлік құралдарын пайдалануға байланысты көрсетілген әкімшілік қызметтер туралы ақпарат болған.
Бұл дерек бойынша Украина Қылмыстық кодексінің 182-бабымен («Жеке өмірге қол сұғушылық») қылмыстық іс қозғалды. Сотқа дейінгі тергеу жалғасып жатыр.
