Үміткерлерді іріктеу кезінде Capital Finance International редакциясы Jusan Bank-тің технологиялар және инновациялар саласында жаңалықтарды белсенді қолданатынын атап өтті, басылымның пікірінше бұл қаржы қызметтерінің жергілікті нарығының дамуына елеулі түрде әсер етті.
CFI.co Banking Awards – 2021 жюри құрамына кірген сарапшылар Jusan Bank-тің соңғы екі жыл ішіндегі негізгі қаржы көрсеткіштерінің қарқынына оң бағасын берді.
«Jusan менеджменті сәтті түрде жаңа даму стратегиясы бойынша жүзеге асыруда, нәтижесінде қысқа кезең ішінде маңызды қаржылық нәтижелерге қол жеткізді. Банк қызметтердің сапасын және қолжетімділігін жақсарту, өнімдер желісін кеңейту және өз клиенттеріне қаржылық мақсаттарына қол жеткізуге көмектесу үшін цифрлық технологияларды үнемі жетілдіріп отырады. Бұның барлығы клиенттер үшін тартымды ұсыныстар қалыптастырады және корпоративтік сегменттің және тұтастай халықтың арасында қаржылық мекемеге деген сенімнің артуына септігін тигізеді», — делінген Capital Finance International қазылар алқасының қорытындысында.
Jusan Bank қазақстандық банктердің арасында Capital Finance International премиясы берілген тұңғыш отандық қаржылық институт болды. Жыл сайын премияға әлемнің алпыстан астам мемлекетінен компаниялар қатысады.
«2021 жылы банк командасы Jusan цифрлық экожүйесіндегі қызметтер мен өнімдерді кеңейту бойынша бірқатар елеулі жобаларды жүзеге асырды. Клиенттеріміздің бұны көруі және тиісті баға беруі өте маңызды – қосылғанына бар-жоғы екі жыл өткен Jusan мобильді қосымшасын бүгінгі таңда шамамен 700 мың клиент қолданады, ал Jusan Business интернет-банкинг жүйесі бір жылдың ішінде шағын және орта кәсіпкерлік субъектілері арасында 41 мың пайдаланушыларды жинақтап үлгерді, — дейді Jusan Bank басқарма төрағасы Айбек Қайып. – Capital Finance International тағайындаған премия және осы жылдың қорытындысы бойынша Қазақстанның ең үздік банкі деген беделді мәртебе біздің бүкіл командамыздың нәтижелі жұмысын мойындау болып табылады және кәсіби мереке – Ұлттық валюта күні қарсаңында бізге жасалған ең үздік сыйлық деп білеміз!».
Маңызды өзге де оқиғалар арасында АТФБанктің Jusan Bank-ке қосылуының аяқталуы, Kcell мобильді байланыс операторының активтерінің үлесін сатып алу, сондай-ақ банктің кредиттік портфеліндегі мерзімі 90 күннен астам уақытқа кешіктірілген берешек үлесін 3,5 есеге қысқартып, нәтижесінде активтер портфелінің сапасын айтарлықтай жақсарту бар. 1 қыркүйектегі жағдай бойынша Jusan Bank активтерінің жиынтық көлемі 2,7 трлн теңгеден асты, бұл банкке осы көрсеткіш бойынша бүкіл қазақстандық банктердің арасындағы жалпы рейтингтегі 4-позицияны қамтамасыз етеді.
2021 жылғы 7 сәуірде берілген ҚР ҚНРДА № 1.2.35/225/37 лицензиясы.
