Алматының коронавирусқа қарсы екпе алған миллионыншы тұрғыны кім?

Медициналық ақпараттық жүйенің мәліметінше, Самал Оқапова - Алматыда коронавирусқа қарсы екпе алған миллионыншы тұрғын.

коронавирус, вакцина
Фото: Бақдәулет Әбдуалы

Бұл туралы Алматы әкімі Бақытжан Сағынтаев Twitter-де хабарлады.

Денсаулығындағы кінәратқа қарамастан ол өзін әрі жақындарын қорғау үшін вакцина алды. Бұл әрекеті көпшілікке үлгі болары анық, — деп жазды қала әкімі.

Жазба скрині

Айта кетейік, 2021 жылдың 6 қарашасындағы мәлімет бойынша Қазақстанда вакцинаның бірінші компонентін 8 390 029 адам, екіші компонентін 7 651 170 адам салдырды.