Алматыда қайыр сұрап жүрген өзбекстандық әйелдер ұсталды

Алматы полицейлері қайыршылардың орнын тексерді.

Бұл туралы Polisia.kz хабарлады.

Көші-қон қызметінің мәліметінше, қоғамдық орындарда қайыр сұрағандар арасында шетел азаматтары көп.

Айтпақшы, бұл күндері шаһарда өтіп жатқан «Келімсек» іс-шарасына қатысты балалы әйелдер анықталды. Олар – Өзбекстан азаматтары. Белгілі болғандай, олар Алматыға арнайы қайыр сұрау үшін келген. Әйелдер Әкімшілік құқықбұзушылық туралы кодекстің 517-бабы 3-бөлігінде көзделген құқық бұзушылық белгілері бойынша әкімшілік жауапкершілікке тартылды. Олардың балалары нәрестелер үйіне жіберілді, — деді қалалық полиция департаменті көші-қон қызметі басқармасы бастығының орынбасары Геннадий Мен.

Оның айтуынша, жолдың жүру бөлігінің ортасында қайыр сұрайтын адамдар өздеріне ғана емес, жол қозғалысының басқа да қатысушыларына қауіп төндіреді.

Бұл қауіпсіз емес. Патрульдік полиция қызметкерлері қызмет барысында осындай фактілерді анықтап, оларды аудандық полиция басқармасына жеткізеді. Егер олардың арасында шетелдік азаматтар бар болса, біздің бөлімшенің қызметкерлері кіріседі, – деді ол.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз