Биылғы 19 шілдеде президент Қасым-Жомарт Тоқаев «Қазақстан Республикасының Мемлекеттік басқару жүйесін жетілдіру жөніндегі шаралар туралы» жарлыққа қол қойды. Оған сәйкес сотталғандарды медициналық қамтамасыз ету Ішкі істер министрлігінен Денсаулық сақтау министрлігіне берілуге тиіс. Сотталғандарды медициналық қамтамасыз ету функцияларын денсаулық сақтау органдарының қарамағына беру тексерудің, диагностиканың және емдеудің заманауи әдістеріне кеңінен қол жеткізуге мүмкіндік береді, — деді Жанар Шайдуллина.
Оның айтуынша, қазіргі уақытта Қазақстанның пенитенциарлық мекемелер жүйесінде 80 мекеме бар, олардың 64-і – түрлі режимдегі колониялар және 16 тергеу изоляторлары, онда 34 мыңнан астам сотталған (24,9 мың) және тергеумен қамауға алынған (5,3 мың) адамдар бар.
Денсаулық сақтау, медициналық көмек және өмір сүру – әр адамның ажырамас құқығы болып саналады. Осы мақсатта қоғамнан оқшаулаудың бастапқы сәтінен бастап, бас бостандығынан айыру жазасын өтеу кезеңінде денсаулық сақтауға ерекше көңіл бөлінеді. Оқшауланған адамдар медициналық көмек алу кезінде ҚР азаматтарының барлық құқығын пайдаланады. Ол денсаулық сақтау саласында бекітілген стандарттарға сәйкес ұсынылады, — деді Жанар Шайдуллина.
Спикердің айтуынша, емдеу мен профилактикалық көмек оқшаулау жағдайында да, азаматтық денсаулық сақтау секторында да көрсетіледі.
Қылмыстық-атқару жүйесі мекемелерінде медициналық көмек «Халық денсаулығы және денсаулық сақтау жүйесі туралы» Қазақстан Республикасы кодексіне, Қылмыстық-атқару кодексіне, Ішкі істер министрлігі ведомстволық бұйрықтарына және тегін медициналық көмектің кепілдік берілген көлемі шеңберінде басқа да нормативтік-құқықтық актілерге сәйкес жүзеге асырылады. Қылмыстық-атқару жүйесі мекемелерінде медициналық көмек көрсету үшін стационарлары бар 65 медициналық бөлім, оның ішінде 16 – тергеу изоляторында, 6 емдеу-профилактикалық мекемесінде, 3 туберкулезге қарсы ауруханада, сондай-ақ қауіпсіздігі барынша төмен мекемелерде (қоныс-колонияларда) 15 денсаулық пунктінде жұмыс істейді, — деді Жанар Шайдуллина.
