«Сенсация жасады». Президент футзалдан Қазақстан құрамасын құттықтады

Мемлекет басшысы Қасым-Жомарт Тоқаев футзалдан Қазақстан құрамасын әлем чемпионатының жартылай финалына шығуымен құттықтады.

Футзалдан Қазақстан ұлттық құрамасы алғаш рет әлем чемпионатының жартылай финалына шығып, керемет сенсация жасады. Құтты болсын! Алдағы ойындарына да сәттілік тілеймін!, — деп жазды президент Twitter-парағына.

Футзалдан әлем чемпионатының ширек финалында Қазақстан құрамасы Иранмен ойнап, 3:2 есебімен жеңіске жеткен.

Енді қазақстандық спортшылар финалға шығу үшін 30 қыркүйекте Португалия құрамасымен сынға түседі. Тағы бір жартылай финалға шаққандар арасында Бразилия мен Аргентина бар.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз