Нұр-Сұлтан-Ыстамбұл бағытындағы ұшақ Атырау әуежайына шұғыл қонды

Нұр-Сұлтаннан Ыстамбұлға бет алған Boeing 767 ұшағы Хиуаз Доспанова атындағы Атырау халықаралық әуежайына шұғыл қонуға мәжбүр болды.

Бұл туралы Атырау облыстық төтенше жағдайлар департаментінің баспасөз қызметі хабарлады.

23 қыркүйек күні кешкісін Түркияның ЫстаМбұл қаласына бағыт алған Boeing 767 жолаушылар ұшағы Х. Доспанова атындағы Атырау халықаралық әуежайына шұғыл қонуға мәжбүр болған. Алдын ала мәлімет бойынша, әуе лайнерінің жанармай жүйесіндегі ақауға байланысты қонуына тура келген. Алайда, мамандар бұл деректі әзірге растаған жоқ, бұл тек болжам, — делінген хабарламада.

Ведомствоның хабарлауынша, жолаушылар ұшағының бортында 205 жолаушы, соның ішінде бес бала болған. Ешкім зардап шеккен жоқ.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз