Қасым-Жомарт Тоқаев Тәжікстанға барды

Мемлекет басшысы Қасым-Жомарт Тоқаев Тәжікстан астанасы Душанбе қаласына барды. 

Бұл туралы президенттің баспасөз хатшысы Берік Уәли Facebook-парақшасында жазды.

Қазақстан президенті 16-17 қыркүйек күндері өтетін Ұжымдық қауіпсіздік туралы шарт ұйымы Ұжымдық қауіпсіздік кеңесінің сессиясына және Шанхай ынтымақтастық ұйымына мүше мемлекет басшылары кеңесінің отырысына қатысады. Іс-шараларда Ауғанстанның қазіргі ахуалы, халықаралық және аймақтық қауіпсіздік, аталған ұйымдарға мүше мемлекеттердің ынтымақтастық мәселелері талқыланады, – делінген хабарламада.

Қасым-Жомарт Тоқаев сонымен бірге бірқатар мемлекет басшыларымен екіжақты кездесулер өткізеді.