Мәжіліс төрағасы Білім министрлігінің жұмысын сынға алды

Палата спикері Нұрлан Нығматулин Білім жән ғылым министрлігін бала құқығын қорғау туралы заң жобасын қабылдауды кешіктіріп жатқаны үшін сынға алды.

Мәжіліс төрағасы 2019 жылдың көктемінде Нұрсұлтан Назарбаевтың Үкіметке осы мәселені зерттеуді тапсырғанын еске салды. Бұл бастаманы премьер-министр Асқар Мамин мен VI және VII шақырылым депутаттары қолдап отыр.

Үкіметтің қорытындысына сәйкес, 7-ші шақырылым депутаттарының сәбилер үйінде болу мерзімін ұзарту мәселесін қарау туралы ұсынысын премьер-министр мақұлдады. Дәлел келтірілді: бұл олардың эмоционалды және психологиялық күйі үшін қажет. Бұл ең бастысы, құрметті вице-министр. Сіз қандай үкіметпен жұмыс істейсіз, түсінбедім?, − деді Н.Нығматулин.

Мәжіліс спикері білім вице-министрінен бес жылға созылатын қанатқақты жобаның не үшін қажет екенін түсіндіруді сұрады.

Бұл өте қатыгез тәжірибе, ең бюрократиялық әдіс. 2026 жылға дейін созып жүре бермексіздер. Бала үш жасқа толғанда басқа үйге ауыстырылады. Тіпті ересек адамның басқа ортаға ауысуы стресс болады. Неге ойламайсыз? Қанатқақты жоба не үшін қажет?, − деді палата спикері.

Білім және ғылым вице-министрі Бибігүл Асылова жасты ұлғайту мәселесі бойынша ҮЕҰ мен қоғамдық ұйымдардың түрлі пікірі болғандықтан, бір тұжырымға келе алмағанын атап өтті.

Бұған Нұрлан Нығматулин екінші оқуға дейін мемлекеттік органдардың пікірі мен ұстанымын ескере отырып, норманы аяқтауды тапсырды.

Бибігүл Асылова толығырақ зерттеу үшін Нұр-Сұлтан, сонымен бірге Шығыс Қазақстан, Қызылорда және Ақтөбе облыстарында қанатқақты жобаны жүріп жатқанынын айтты.

Вице-министрдің айтуынша, жоба 2026 жылдың тамызында аяқталады. Осыған орай қанатқақты жобаның нәтижесін Алтынсарин атындағы білім академиясының мамандары зерттейтінін атап өтті.