Жәнібек Әлімханұлы: Қазақстанда үлкендерді құрметтеу керек

Қазақстандық боксшы Жәнібек Әлімханұлы (10-0, 6 КО) танымал отандасы Геннадий Головкинмен жекпе-жек өткізуге қатысты пікір білдірді.

Жәнібек Әлімханұлы өзінен жанкүйерлері GGG-ді неге жекпе-жекке шақырмайтыны жөнінде жиі сұрайтынын айтты.

Жауап берейін. Ол – менің ағам. Қазақстанда үлкендерді құрметтеу керек, бұл – біздің дәстүр. Кейбір жанкүйер мұны түсінбейтін шығар. Бірақ дәстүрді құрметтеу керегін бәрі біледі. Бұл – қазақ стилі, – деп жазды Әлімханұлы Twitter-дегі парақшасында.