Мәліметтерге сүйенсек, кейінгі тәулікте шекара арқылы 684 адам өткен. Оның ішінде 454 жаяу жүргінші және 230 фура жүргізушісі бар.
Карантин стационарына 7 қазақстандық жатқызылды. Көлік өткелдерінде коронавирустың анықталған оқиғалар болған жоқ. ПТР-тестілерінің теріс қорытындысы бар анықтамаларды ұсынбаған Ресей Федерациясының 11 азаматына Қазақстанға кіруге тыйым салынды, − деп хабарлады департамент өкілі.
Осыған орай бақылау мониторингі өңірдегі мемлекеттік шекарадан өткізудің төрт автомобиль өткелін жіті қадағалап отыр. Шектеу енгізілгеннен бері аймаққа 193 776 адам келген. Бұл кезеңде 41 033-і ПТР-тест өткізген. Оның 262-сі вирусты сырттан әкелгені анықталды.
