Қазақстанның солтүстігінде үсік болады

"Қазгидромет" синоптиктері Қазақстанның бірнеше өңірінде үсік болатынын ескертті.

Мамандардың мәліметінше, 13 қыркүйекте Қостанай облысының оңтүстік-шығысында 2 градус үсік болуы мүмкін. Күндіз облыстың солтүстігінде, солтүстік-батысында найзағай болады. Түнде және таңертең облыстың шығысында тұман болады. Оңтүстік-батыстан, батыстан жел соғады, күші күндіз облыстың солтүстік-батысында секундына 15-20 метрге жетеді.

Ақмола облысының солтүстігінде, солтүстік-батысында батыстан, оңтүстік-батыстан жел соғады, екпіні секундына 15-20 метр болады. Түнде облыстың оңтүстік жартысында 2 градус үсік болады.

Нұр-Сұлтанда 13 қыркүйекте түнде топырақ бетінде 2 градус үсік болады.

13 қыркүйекте түнде Солтүстік Қазақстан облысының оңтүстік-батысында 2 градус үсік күтіледі. Батыстан, оңтүстік-батыстан жел соғады, облыстың солтүстік-шығысында күші секундына 15-20 метр болады.

Түркістан облысының таулы аудандарында солтүстік-шығыстан соғатын желдің күші секундына 15-20 метр болады. Облыс көлемінде төтенше өрт қаупі сақталады.