Нұр-Сұлтандағы мекемеде карантинге қарамастан 500-ге жуық адам болған

Нұр-Сұлтандағы мекемеге 500-ге жуық адам жиналған. Бұл туралы қала әкімдігінің баспасөз қызметі хабарлады.

Кеше, 11 қыркүйекте Нұр-Cұлтанның мониторинг топтары қаладағы 12 мекемеде карантин шектеулері бұзылғанын анықтады.

Ең көп бұзу дерегі Есіл ауданында тіркелді. Тексеріс кезінде Zima барлар галереясында 500-ге жуық адам болған. Cabera гриль-барында, “Панаехали” барында, Khan El-Khalili кафесінде, “Мята Platinum Nursaya” ресто-барында, Tequila барында жұмыс режимі сақталмаған.

Алматы ауданында “Киш Миш” кафесі, “Tema” компьютерлік клубы, “Панаехали” атмосфералық бары және “Что Будет Дальше” караоке-бары карантин бұзушылар тізіміне енді.

карантин
Фото: Нұр-Cұлтан әкімдігінің ресми сайты

Сарыарқа ауданында орналасқан “Амарин” және “Шашлыкофф” мейрамханаларында да карантин шектеулері ескерілмеген.

Тәртіп бұзушыларға қатысты жиналған барлық материал әкімшілік сипаттағы шаралар қабылдау үшін санитарлық-эпидемиологиялық бақылау саласындағы уәкілетті органға берілді.

карантин
Фото: Нұр-Cұлтан әкімдігінің ресми сайты

Айта кетейік, Нұр-Сұлтанда коронавирус инфекцисын жұқтырғандар саны азайғанына қарамастан, қала әлі де “қызыл” аймақта.