Сейсмология институты Төтенше жағдайлар министрлігіне берілді

Премьер-министр Асқар Маминнің бұйрығымен Сейсмология институты Төтенше жағдайлар министрлігіне берілді. Бұл туралы Primeminister.kz сайтында жарияланды.

Айта кетейік, бұған дейін институт Білім және ғылым министрлігіне қараған еді.

“Сейсмология институты” жауапкершілігі шектеулі серіктестігінің мемлекеттік қатысу үлесін 100 пайыз мөлшерінде иелену және пайдалану құқықтары және “Сейсмологиялық тәжірибелік-әдістемелік экспедиция” жауапкершілігі шектеулі серіктестігінің мемлекеттік қатысу үлесін 100 пайыз мөлшерінде иелену және пайдалану құқықтары Қазақстан Республикасының заңнамасында белгіленген тәртіппен Қазақстан Республикасының Төтенше жағдайлар министрлігіне берілсін, − деп жазылған қаулыда.