Қазақстаннан Сауд Арабиясына рейстер ашылады

Қазақстан аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссияның 7 қыркүйектегі отырысында Қазақстан мен Сауд Арабиясы арасындағы тұрақты әуе қатынасын қалпына келтіру туралы шешім қабылдады.

Бұл туралы Индустрия және инфрақұрылымдық даму министрлігінің баспасөз қызметі хабарлады.

Қазан айының үшінші онкүндігінен бастап SCAT әуе компаниясы Алматы – Джидда және Алматы – Медина бағыттары бойынша аптасына бір рейспен ұшуды бастайды, – делінген хабарламада.

Сауд Арабиясына рейстердің одан әрі ұлғаюы эпидемиология жағдайына, Ведомствоаралық комиссияның және Сауд Арабиясының тиісті мемлекеттік органдарының шешімдеріне байланысты болады.

Рейстер бекітілген санитария-эпидемиология нормалары мен әуе компаниясының сайтында жарияланған кестеге сәйкес орындалады.