Алматыдағы санитарлық-эпидемиологиялық бақылау департаментінің басшысы 9 қыркүйекке қарай қаладағы коронавирусқа байланысты жағдай тұрақталғанын айтты. Алайда эпидемиялық жағдайды бағалау матрицасында қала әлі де «қызыл» аймақта орналасқанын жеткізді.
Жыл басынан бері 137 мың жағдай тіркелген, тамызда – 47 мыңға жуық, ал қыркүйектің басынан бері тоғыз мыңға жуық жағдай тіркелген. 25 тамыздан бастап эпидемияның төртінші толқыны бәсеңдеп, эпидемияның тұрақтануы байқалады, бұл COVID-19-дың үнді нұсқасына байланысты. Егер 25 тамызда 1 605 жағдай тіркелген болса, 8 қыркүйекте – 976 жағдай. Қала тұрғындары арасында аурушаңдық төмендегені байқалады. Бұл бүгінде Алматы халқының 46 процентінде иммунитет қалыптасуына байланысты. Бірақ босаңсуға әлі ерте, – деді Жандарбек Бекшин.