Қазақстан мен Түркия арасындағы рейстер ұлғайтылады

Қазақстан мен Түркия арасындағы рейстер ұлғайтылады. Бұл туралы Индустрия және инфрақұрылымдық даму министрлігінің баспасөз қызметі хабарлады.

Коронавирус инфекциясының пайда болуы мен таралуына жол бермеу жөніндегі ведомствоаралық комиссия қыркүйек айының ортасынан бастап Air Astana және Turkish Airlines әуе компаниялары:

  • Air Astana — 17 қыркүйектен;
  • Turkish Airlines – 25 қыркүйектен бастап Алматы – Ыстанбұл бағытындағы рейстер санын 2-ден 3 рейске дейін арттыруды жоспарлап отыр.

Оған қоса, 22 қыркүйектен бастап SCAT әуе компаниясы Ақтөбе – Ыстанбұл бағытында аптасына 2 рейспен ұша бастайды. Түркиямен арадағы рейстер санын әрі қарай арттыру эпидемиялық жағдайға және Ведомствоаралық комиссияның, сонымен бірге Түркияның тиісті мемлекеттік органдарының шешімдеріне байланысты болады.

Рейстер санитарлық-эпидемиялық талаптарды қатаң сақтай отырып және әуе компанияларының сайтында жарияланған кестеге сәйкес орындалады, – делінген хабарламада.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз