Бұл туралы ол ауыл әйелдерін қолдау жөніндегі кешенді әлеуметтік бағдарлама туралы өткен брифингіде айтты.
«Жасыл экономик» және G-Global-ды дамыту коалициясы «Әлеуметтік динамика» қорымен бірлесіп, 2013 жылдан бастап ауыл әйелдерін оқыту арқылы қолдау жөніндегі әлеуметтік жобаны іске асырып жатыр. Бүгінде бүкіл Қазақстан бойынша 35 000-нан астам әйел оқытылды. Жыл сайын үздік бизнес идеяға конкурс өткізіледі, оның қорытындысы бойынша 81 әйел грант алды. Биыл 16 әйел өз бизнесін ашу үшін грант алады, — деді Майра Айсина.
Оның айтуынша, 2020 жылы «жеке қосалқы шаруашылық» онлайн-мектебі іске қосылды.
Платформа ең аз инвестициялары мен жоғары рентабельділігі бар ауылда өз бизнесін құру бойынша 13 бірнеше бизнес курс ұсынады. Әрбір бизнес курс бірнеше модульден тұрады және мынадай материалдарды қамтиды: бейне сабақ (бейнеролик), қысқа дәрістер (тезистер), жиі қойылатын сұрақтар, тест тапсырмалары. Жоба аясында 3 500-ден астам әйел оқудан өтті, — деді Қазақстанның ауыл әйелдері форумын ұйымдастыру комитетінің төрайымы.
Айта кетейік, 2018 жылдан бастап Қазақстан Республикасы президентінің жанындағы Әйелдер істері және отбасылық-демографиялық саясат жөніндегі ұлттық комиссияның, Coca-Cola халықаралық қорының қолдауымен ауыл әйелдерінің облыстық және республикалық форумдары, оның ішінде 5 000-ға жуық қатысушы қамтылып, 100 тақырыптық сессия мен тренинг өтті.
