Кездесуде Михаил Мишустин Қазақстанның Премьер-Министрі Асқар Маминмен келіссөздер өткізеді. Сонымен қатар Ресей Премьер-Министрі Қазақстан Президенті Қасым-Жомарт Тоқаевпен және Тұңғыш Президент – Елбасы Нұрсұлтан Назарбаевпен кездеседі, делінеді хабарламада.
Басқосу барысында өнеркәсіп, энергетика, көлік, мәдени-гуманитарлық салалардағы ресейлік-қазақстандық ынтымақтастықты дамытудың өзекті мәселелерін талқылау жоспарланып отыр.
Оған қоса Еуразиялық экономикалық одақ аясындағы ынтымақтастықты кеңейтуге және коронавирус инфекциясына қарсы бірлескен шараларға ерекше назар аударылады.
