Газета.uz порталындағы хабарламаға сәйкес, борттағы екі ауған әскері Термез ауруханасына жатқызылды. Бір күн бұрын Ауғанстанның тағы үш әскери қызметшісі осы медицина мекемесіне жеткізілгені хабарланған еді.
Another Bad for the people of #Afhanistan #Afghan military jet crashes in #Uzbekistan and two servicemen believed to have been on plane hospitalized pic.twitter.com/YdVoww22y6
— Afroz Alam?☠️ (@AfrozJournalist) August 16, 2021
Әскери қызметкерлердің кеуде тұсы жарақаттанған. Миы шайқалып ауруханаға жеткізілген. Расталмаған ақпарат бойынша, ұшақтағылар парашютпен секіріп үлгерген.
Өзбекстан Қорғаныс министрлігі апат туралы хабарламаларды зерттеп жатыр.
Еске салайық, «Талибан» қозғалысы Ауғанстан астанасы Кабулға кіріп, президент сарайын басып алды. Олар Ауғанстан Ислам Әмірлігінің құрылғанын жариялады.
Ауғанстан президенті Ашраф Ғани Өзбекстанға ұшып кетті. Бұл туралы оның жеке күзетшісі хабарлады.
Қазақстан президенті Қасым-Жомарт Тоқаев Ауғанстандағы ахуалға байланысты екінші рет жиын өткізді. Мемлекет басшысы құзырлы мекемелерге бұл елдегі жағдайды жан-жақты бақылауда ұстауды тапсырды.
