Елімізде субсидияланатын авиабағыттар саны артты

Қазақстанда өңірлердегі көліктік қолжетімділікті арттыру және ішкі туризмді дамыту мақсатында біршама субсидияланатын авиабағыттардың рейстер саны ұлғайып, жаңа бағыттар ашылды.

Бұл туралы индустрия және инфрақұрылымдық даму министрлігінің баспасөз қызметі хабарлады.
Баспасөз қызметінің мәліметінше, “Южное небо” әуе компаниясы тұрақты түрде қатынайтын Нұр-Сұлтан – Балқаш және Алматы – Балқаш әуе бағыттарына “Qazaq Air” екінші тасымалдаушысы іске қосылды. Атап айтқанда, Нұр-Сұлтан – Балқаш бағыты бойынша рейстер саны аптасына 6 рейстен 10 рейске дейін ұлғаяды. Тариф құны — 9 000 теңге. Алматы-Балқаш бағыты бойынша рейстер саны аптасына 7 рейстен 13 рейске дейін ұлғаяды. Тариф құны — 10 000-14 000 теңге.

Айта кетейік, “Qazaq Air” әуе компаниясы “Bombardier Q400” әуе кемелерімен бірлесе жұмыс жасайды.   

Сондай – ақ, Ақтау — Көкшетау әуе бағыты бойынша рейстер саны 3 рейстен 5 рейске дейін ұлғаяды. Рейстер “SCAT” әуе компаниясының “CRJ2” әуе кемелерімен бірлесе жұмыс жасайды. Тариф құны 15 000-нан 30 000 теңгеге дейін.

Түркістан қаласының әуежайынан ұшу географиясын кеңейту бойынша  Ақтөбе (тарифі 20 000 теңге) және Талдықорған (16000 теңге) қалаларына тұрақты рейстерді әр бағытта 2 рейс жиілігімен ашу жоспарланған.  

Айта кетейік, “SCAT” әуе компаниясы Нұр-Сұлтан – Талдықорған бағытында субсидияланатын рейсттер ашылады.  Рейстер “Б-737” әуе кемелерінде орындалатын болады.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз