Басты бет Видео «Алмас қылыш» фильмі туралы қандай пікірлер айтылуда?

«Алмас қылыш» фильмі туралы қандай пікірлер айтылуда?

Ілияс Есенберлиннің «Көшпенділер» трилогиясы бойынша түсірілген «Қазақ елі» жобасының алғашқы бөлімі - «Алмас қылыш» фильмі жарыққа шықты. Фильмді көргендер әр түрлі пікір білдіруде. Біреулер фильм тарихи оқиғаларды толық жеткізе алмады десе, кейбіреулер фильмдегі техникалық қателіктерді сынға алған.

5 қаңтардан бастап кинотеатрларда жазушы Ілияс Есенберлиннің «Көшпенділер» трилогиясы бойынша түсірілген «Қазақ елі» жобасының алғашқы бөлімі — «Алмас қылыш» фильмі көрсетіле бастады.

Фильмнің түпнұсқасы толығымен қазақ тілінде, арасында жоңғар тілінде және солтүстік моңғол диалектісі бар. Прокатқа орыс тілді нұсқасы да әзірленді. «Бізде материалдың үлкен қоры жинақталды. Сондықтан фильмнің жалғасы міндетті түрде болады», — дейді Р.Әбдірашев. Тарихи жобаның авторы — Нұрсұлтан Назарбаев. Фильм Мәдениет және спорт министрлігінің тапсырысы бойынша Ш.Айманов атындағы «Қазақфильм» АҚ «Centaurus Rustem Abdrashev production» ЖШС-нің қатысуымен түсірілген.

Бұған дейін «Алмас қылыш» фильмінің тұсаукесер көрсетілімі Астана мен Алматы қалаларында өткен. Оған қатысқандардың барлығы жаңа кинотуындыға жоғары баға берген. Президент Нұрсұлтан Назарбаев та аталған фильмді «қазақ халқының ұлттық сана-сезімін көтеретін туынды» деп бағалады.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version