Моңғолияның жаңа президенті бүгін қызметіне ресми кірісті

Бүгіннен бастап Ухнаагийн Хурэлсух қызметіне ресми кірісті.

Моңғолияның президенті қызметін атқару барысында адам мен азаматтардың еркіндігі мен құқығын сыйлауға және қорғауға, Моңғолияның Коснтитуциясын сақтауға, егемендік пен тәуелсіздікті, халықтың тұтастығы мен қауіпсіздігін қорғауға, халыққа адал қызмет етуге ант етемін, — деді елдің алтыншы президенті.

Ухнаагийн Хурэлсух ант қабылдаған Конситуцияның көшірмесі алғашқы президенттік сайлау өткен 1993 жылы жасалып, содан бері барлық мемлекет басшысының инаугурациясында қолданылады.

Ант беру рәсімінен кейін жаңа президент бұрыңғы мемлекет басшысы Баттулга Халтмаадан «Төрийн тамганы» — мемлекеттік мөрді қабыл алды.

ДереккөзBaq.kz