Бұл туралы Ақорданың баспасөз қызметі хабарлады.
Елдің әлеуметтік-экономикалық және қоғамдық-саяси дамуын ақпараттық тұрғыдан қамтамасыз ету ісіндегі бұқаралық ақпарат құралдарының елеулі рөлін ескере отырып, Қазақстан президентінің бұқаралық ақпарат құралдары саласындағы сыйлықтарын беру, гранттарын тапсыру және Алғысын жариялау жөніндегі қоғамдық комиссияның ұсынымын қарай келіп:
Қазақстан президентінің БАҚ саласындағы сыйлықтары:
Захарчук Вера Николаевнаға – «Хабар 24» телеарнасының жаңалықтар бөлімінің жүргізушісіне, отандық тележурналистиканы дамытуға қосқан үлесі үшін;
Исабаева Сәуле Борисқызына – «Qmonitor.kz» желілік басылымының шолушысына, интернет кеңістігінде ақпарат тарату ісін дамытуға қосқан үлесі үшін;
Құтпанбаев Бақыт Жағыпарұлына – «Қазақ» және «Шалқар» радиоларының Алматы студиясының жетекшісіне, Қазақстанның өңірлік саясатын ақпараттық тұрғыдан қамтамасыз етуге қосқан үлесі үшін;
Ойшыбаева Жаннат Бақтығұлқызына – «Қазақстан темір жолы» ҰК» АҚ-ның БАҚ-пен жұмыс департаментінің бас менеджеріне, Қазақстан дамуының өзекті мәселелерін қамтыған ақпараттық-талдамалық қызметі үшін берілсін.
Қазақстан президентінің БАҚ саласындағы гранттары:
Байғараев Нұрмұхамед Исманұлына – «AIQYN» республикалық қоғамдық-саяси газетінің бас редакторына, баспа бұқаралық ақпарат құралдарын дамытуға қосқан елеулі үлесі үшін;
Нұрақын Диас Ермекұлына – «КТК» телеарнасының ақпараттық бағдарламалар дирекциясы орталық редакциясының редакторына, Қазақстан телевизиясын дамытуға қосқан үлесі үшін;
Толықбаев Мақсат Мәлікұлына – «QAZAQSTAN» ұлттық телеарнасы «Ашық алаң» қоғамдық-саяси ток-шоуының жүргізушісіне, Қазақстан Республикасы президентінің қызметін белсенді түрде жан-жақты түсіндіріп, жариялап-көрсеткені үшін;
Хасанов Серікбол Тілепбергенұлына – «Мұнара» газетінің бас редакторына, Қазақстан журналистикасын және ұлттық бұқаралық ақпарат құралдарын дамытуға қосқан елеулі үлесі үшін тапсырылсын.
Қазақстан президентінің БАҚ саласындағы Алғысы:
«Ақиқат» ұлттық қоғамдық-саяси журналының шығармашылық ұжымына – еліміздің бұқаралық ақпарат құралдарын дамытуға қосқан елеулі үлесі үшін;
«Вечерний Алматы» газетінің шығармашылық ұжымына – қоғамдық-саяси, әлеуметтік-экономикалық және мәдени-гуманитарлық салалардың дамуын ақпараттық тұрғыдан қамтамасыз етуге қосқан зор үлесі үшін;
«Қазақ радиолары» жауапкершілігі шектеулі серіктестігінің шығармашылық ұжымына – ұлттық радио саласын дамытуға қосқан елеулі үлесі үшін;
«Сарыарқа» телеарнасының шығармашылық ұжымына – өңірлік журналистиканы дамытуға қосқан үлесі үшін жариялансын.
«Осы өкім бұқаралық ақпарат құралдарында жариялансын», — делінген хабарламада.
