Ол сапар барысында өңірдің бірқатар маңызды әлеуметтік нысандарының жұмысымен танысты.
2020 жылдың 1 желтоқсан күні ҚР Тұңғыш Президенті-Елбасының «Қамқорлық» қорының бастамасымен Атырау облыстық балалар ауруханасы базасында балаларды оңалту орталығы ресми түрде ашылды. Орталық өз жұмысын 2021 жылдың 1 қаңтарынан бастап атқарып жатыр. Орталықта балаларды оңалтуға арналған 50 төсек орын бөлінген. Оның 25-і тәуліктік және 25 төсек күндізгі стационарға қарастырылған.
Мұнда невролог дәрігер, 2 реабилитолог, үйлестіруші, физиотерапевт, эрготерапевт, 6 емдік дене шынықтыру (ЛФК) нұсқаушылары, 2 психолог, 2 логопед, 2 дефектолог, 4 медбике жұмыс істейді.
2021 жылдың басынан бері орталықта 315 бала оңалтудан өткен. Оның ішінде, 160 бала тәуіліктік, 155 бала күндізгі стационарда, — деді Атырау облыстық Денсаулық сақтау басқармасының басшысы Асхан Байдувалиев.
Айта кетейік, жұмыс сапары барысында Дариға Назарбаева облыстық кардиоорталықтың да жұмысымен танысты.
