Бүгін Алматының барлық аумағында бір уақытта әнұран қосылады

Алматыда Мемлекеттік рәміздер күні қаланың барлық аумағында бір уақытта әнұран қосылады.

Бұл туралы қаланың әкімдігінің баспасөз қызметі хабарлады.

Әнұран саябақтарда, сауда және ойын-сауық орталықтары мен қоғамдық кеңістіктерде 4 маусым күні сағат 13.00-де қосылады. Мегаполис тұрғындары мен қонақтарын осы акцияға қосылып, Әнұран шырқалған кезде барлық тәртіп ережелерін сақтай отырып, бірге орындауға шақырамыз, — делінген хабарламада.

Қала тұрғындары Әнұран саябақтар мен скверлер, жаяу жүргіншілер көшелері, метро станциялары мен вагондар аумағында, СОСО, “Медеу” биік таулы кешені мен “Шымбұлақ” курорты, сондай-ақ “Көк Төбе” саябағында тыңдай алады.

Бүгін, 4 маусым, Қазақстанда мемлекеттік рәміздер күні аталып өтеді.

Қазақстанның қазіргі Әнұраны авторларының(сөзін жазған) қатарында елдің бұрынғы президенті Нұрсұлтан Назарбаев бар. Менің Қазақстаным әні 1956 жылы жазылған. Негізгі авторлары: әні — Шәмші Қалдаяқов, сөзі — Жұмекен Нәжімеденов. 2006 жылы 6 қаңтарда Назарбаевтың кезекті инаугурациясы кезінде бұл ән сөздері өзгертілген күйде (Назарбаевтың авторлығымен) Қазақстанның мемлекеттік Әнұраны ретінде алғаш рет шырқалды. 1992-2006 жыл аралығында елде басқа Әнұран болған.