Ол Қаржы министрінің бұйрығымен Қаржы мониторинг комитетінің төрағасы қызметінен босатылып, вице-министр дәрежесіне тағайындалды.
Б.Ш. Шолпанқұлов 1976 жылы туған, қазақ, білімі жоғары.
1996 жылы Қазақ мемлекеттік аграрлық университетін «Бухгалтерлік есеп, бақылау және шаруашылық қызметін талдау» мамандығы бойынша, 2016 жылы — Қазақстан Республикасының Тұңғыш Президенті — Елбасы атындағы ұлттық қорғаныс университетін «Әскери және мемлекеттік басқару» мамандығымен бітірген.
Өз еңбек жолын 1996 жылғы қазанда Қазақстан Республикасы Қаржы министрлігінің жанындағы Қазынашылық комитетінде Кассалық қаражат және мемлекеттік борыш басқармасының қолма-қол ақшаны басқару бөлімінің қазынашысы лауазымынан бастады. Осы комитеттің бас қазынашысы, бөлім бастығы болып жұмыс істеді.
2001 жылғы қазаннан бастап 2004 жылғы шілде арасында — Қазақстан Республикасы Қаржы министрлігінің Қазынашылық комитеті Қолма-қол ақшаны басқару және мемлекеттік міндеттемелерді есепке алу басқармасының бастығы. 2004 жылғы шілдеден бастап 2008 жылғы желтоқсан аралығында Қазақстан Республикасы Қаржы министрлігінің Қазынашылық комитеті төрағасының орынбасары лауазымын атқарды.
2008 жылғы желтоқсаннан бастап 2014 жылғы маусым аралығында -Қазақстан Республикасының Қаржы вице-министрі.
2014 жылғы шілдеден бастап 2016 жылғы қарашаға дейін Қазақстан Республикасы Қорғаныс министрінің экономика және қаржы жөніндегі орынбасары.
