Елімізде құрылыс материалдары айтарлықтай қымбаттады

Қазақстандықтарға жөндеу жұмыстары қымбатқа түсіп жатыр. Бір жыл ішінде құрылыс материалдары әсіресе Шымкентте, Павлодар мен Маңғыстау облысында қымбаттаған. 

Сарапшылар сәуірдің қорытындысы бойынша өндіруші кәсіпорындардың құрылыс материалдары жылдық өсімде 21,4% қымбаттағанын айтты. Бір жыл бұрын өсім тек 0,3% болған, — деп хабарлады Energyprom.kz..

Бұл ретте құрылыс ұйымдары сатып алған құрылыс материалдарының бағасы бір жыл ішінде 1,7% (бір жыл бұрын — 0,5%) өссе, көтерме сауда нүктелерінде бағаның өсуі 5,7% (бір жыл бұрын — 2,4%) көрсеткен.

Құрылыс материалдары

2021 жылғы сәуірде құрылыс материалдарының жылдық бағасы 7,5% (бір жыл бұрын — 6%) өскен.

Қазақстан өңірлері арасында құрылыс материалдарының қымбаттауы Шымкент пен Павлодар облысында 4,2%, Маңғыстау облысында 18,6% дейін.

Құрылыс материалдары

Индустрия және инфрақұрылымдық даму министрлігінің басшысы Бейбіт Атамқұлов төрт айдың қорытындысы бойынша құрылыс материалдары өндірісінің 26,5% өскенін айтты. Жылу оқшаулағыш материалдар (жылдық өсім — 2,5 есе), кірпіш (2,9 есе), портландцемент (плюс 17,6%), гипс (плюс 21,8%) және құрылыс ерітінділері (плюс 22,2%) өндірісі баға өсімінің драйвері болды.

Бұл ретте бөлшек сауда нүктелерінде кірпіш, күйдірілген саздан жасалған құрылыс бұйымдарының бағасы сәуірдің қорытындысы бойынша жылына 7,7%, құрылыс ерітінділері — 6,6%, құрылыс мақсаттарына арналған гипстен жасалған бұйымдар — 6,1% қымбаттады. Цемент 1,7%, әк пен гипс 0,1% қымбаттады, ал бетон, керісінше 5,3% арзандады», — деді сарапшылар.

Құрылыс материалдары

ДереккөзTengrinews.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз