ОҚО-да жыл басынан бері 800 нәресте дүниеге келді

Оңтүстік Қазақстан облысында жаңа жылдың алғашқы бес күнінде 800-ден аса сәби дүниеге келді.

сәби нәресте
Фото: Vladtime.ru

Еліміз бойынша әрбір бесінші бала демографиялық өсімі жоғары Оңтүстік өңірде туылады екен. Ал 2015 жылы облыс бойынша 80 мыңға жуық нәресте туылған.

Айта кетейік, 31 желтоқсаннан 1-ші қаңтарға қараған күні перзентханаларда 233 сәби жарқын дүние есігін ашты. Оның ішінде 130 ұл бала болса, 103 қыз баласы. Бұл көрсеткіш 2015 жылмен салыстырғанда 11 балаға артық.