Бұлбұл Елеусінова мен Жақсығали Иманқұлов Ақтөбе облысы әкімінің орынбасары болды

Бұлбұл Елеусінова мен Жақсығали Иманқұлов Ақтөбе облысы әкімінің орынбасары болды. Бұл туралы өңір әкімдігінің баспасөз қызметі хабарлады.

Бұлбұл Елеусінова Құдайберген Жұбанов атындағы Ақтөбе мемлекеттік университетін және Қазақ-орыс халықаралық университетін бітірген.

Бұлбұл Елеусінова
Бұлбұл Елеусінова. Фото: Ақтөбе облысы әкімдігінің баспасөз қызметі

Еңбек жолын Ақтөбедегі №12 орта мектепте мұғалім болып бастаған.

Әр жылдары Қобда ауданы әкімі аппаратының бас маманы, Қобда ауданының ішкі саясат, мәдениет және тілдерді дамыту бөлімінің басшысы, Ақтөбе облысы ішкі саясат бөлімінің талдау және мониторинг бөлімінің басшысы, Қобда ауданы әкімінің орынбасары, Ақтөбе облысы әкімі аппараты Қазақстан халқы ассамблеясы хатшылығының жетекшісі, Ақтөбе облысының ішкі саясат басқармасының басшысы болып жұмыс істеді.

Тағайындалғанға дейін Ақтөбе облысының жұмыспен қамтуды үйлестіру және әлеуметтік бағдарламалар басқармасын басқарды.

Жақсығали Иманқұлов Орынбор ауылшаруашылық институтын, Леонид Гончаров атындағы қазақ автомобиль жолдары университетін бітірген.

Жақсығали Иманқұлов
Жақсығали Иманқұлов. Фото: Ақтөбе облысы әкімдігінің баспасөз қызметі

Еңбек жолын 1987 жылы “Мағаджан” кеңшарында мал дәрігері, аға зоотехнигі, “Мағаджан” кеңшарының директоры, Қазақстан Республикасы ауыл шаруашылығы министрлігінің Ақтөбе аумақтық басқармасы шекарадағы және көліктегі мал дәрігерлік және фитосанитарлық бақылау бөлімінің бастығы, Ақтөбе облысының жер қойнауын пайдалану және қоршаған ортаны қорғау басқармасының басшысы болып жұмыс жасады.

Әр жылдары Ақтөбе облысының табиғи ресурстар және табиғатты пайдалануды реттеу басқармасын, Тобыл-Торғай экология департаментін, Ақтөбе облысы бойынша экология департаментін басқарды.

Бұл қызметке тағайындалғанға дейін Ақтөбе облысының табиғи ресурстар және табиғатты пайдалануды реттеу басқармасын басқарды.