Мемлекет басшысы Ұлттық қоғамдық сенім кеңесінің мүшелерін қабылдады

Бұл туралы Ақорданың баспасөз қызметі хабарлады.

Мемлекет басшысымен кездесуде Марат Шибұтов еліміздің аумақтық даму мәселелері жөніндегі көзқарасын айтты. Сонымен бірге ақпараттық-сараптамалық орталықтардың, қоғамдық кеңестердің жұмысын жандандыру туралы ұсыныстарын айтты.

Саясаттанушы мемлекет пен қоғамның ұлтаралық татулық пен қоғамдық келісімді нығайту бағытында бірлесіп атқаратын жұмыстары туралы ойын жеткізді.

Дәурен Қуат Қазақстандағы бұқаралық ақпарат құралдарының ахуалы, оның ішінде, «Қазақ әдебиеті» газетінің бүгінгі жағдайы жайында айтты.

Сондай-ақ президентке қазақ тіліндегі әдебиетті және баспа ісін қолдау жөніндегі ойын жеткізді. Оның ішінде балалар әдебиетін дамыту туралы айтылды.

Бұдан бөлек кездесуде отандық және шетелдік тарихшылар арасында тұрақты байланысты қамтамасыз ету мәселесі көтерілді.

Фото: Akorda.kz