Қызылорда облысы коронавирус бойынша “қызыл” аймақтан шықты

Қызылорда облысы коронавирустың таралуы бойынша "қызыл" аймақтан шықты.

Қазақстан өңірлеріндегі эпидемиология ахуалын бағалау матрицасына сәйкес, 25 сәуірде “қызыл” аймақта Нұр-Сұлтан, Алматы, Шымкент және Ақмола, Ақтөбе, Батыс Қазақстан, Қарағанды, Маңғыстау облыстары орналасқан.

“Сары” аймақта Шығыс Қазақстан, Жамбыл, Қостанай, Қызылорда, Павлодар, Алматы облыстары бар.

“Жасыл” аймақта: Түркістан және Солтүстік Қазақстан облыстары.

Еске салайық, кеше Қазақстанда коронавирусты тағы 2 830 адам жұқтырды. Ел бойынша 306 400 дерек тіркелді.