Елімізде коронавирус пен пневмониядан қайтыс болғандар саны күрт көбейді

Қазақстанда 4 сәуірде коронавирустан 19, пневмониядан жеті науқас қайтыс болды. Бұл туралы Денсаулық сақтау министрлігі хабарлады.

5 сәуірдегі мәлімет бойынша 28 333 адам короновирус инфекциясынан (27 330 КВИ+ және 1 003 КВИ-) емделіп жатыр.

Олардың ішінде стационарда 10 243 пациент, амбулаторияда 18 090 науқас ем алып жатыр.

Коронавирус және пневмония жұқтырған науқастар арасында:

456 адамның жағдайы ауыр;

• 132 пациенттің жағдайы өте ауыр;

• 77 науқас өкпені жасанды желдету аппаратында жатыр.

COVID-19 белгілері бар пневмония жөніндегі дерек

4 сәуірдегі мәлімет бойынша 7 жаңа дерек тіркелді, 7 жағдай өліммен аяқталды, 171 адам жазылып шықты.

2020 жылдың 1 тамызынан бастап:

науқастар саны – 50 839, өлім дерегі – 709, барлығы 49 127 адам айықты.

Айта кетейік, өткен тәулікте Қазақстанда 1 809 адамның коронавирус инфекциясын жұқтырғаны анықталды.