Тест: қазақ киносының қай кейіпкерісіз?

"Қара Қожа" немесе "Қара көже" деген лақап атқа ие болған Қожаны ә дегенде бұзық, қызғаншақ, әжесінің ерке баласы деп танимыз. Алайда ол білімге, оқуға құштар, тек оны көбі байқай бермейді. Өзінің биік арман-мақсаты бар. Анасына деген махаббаты да ерекше. Қанша тентектікке барса да, адам көңіліне қарай білетін бала. Мінеки, сіздің болмысыңыз бен мінезіңіз де осы Қожаға ұқсайды екен.

Актриса Әмина Өмірзақова сомдаған Тана образын білмейтін адам жоқ шығар. Тынымсыз шеше баласын қайткенде де үйлендіргісі келеді. Бірақ қызды өзі таңдағысы келеді. Осы жолда алуан түрлі оқиғаға тап болады. Бірақ оған жұрттың ойы, сөзі маңызды емес. Сіз де Тана апа сияқты жақындарыңыз үшін бәріне дайын шығарсыз. Бірақ әр адамның жеке шекарасы бар екенін де ұмытпағаныңыз жөн.

Ақан Сатаевтың "Рэкетир" фильміндегі бас кейіпкер Саянға ұқсайсыз. Спортқа жақын Саянның жастай рэкеттердің қатарына қосылғанын кинодан көрдік. Әйтсе де қарақшы-бұзақы жұмысы бас кейіпкердің бойындағы адал әрі мейірімді қасиеттермен қатар жүрді. Сіз де сырт көзге осы Саян секілді суық адам болып көрінгенмен, іштей жұмсақ жан сияқтысыз.

"Келінжан" сериалындағы Айсара, Балқия және Асылым деген абысындар есіңізде ме? Әсіресе Айсараның образы ерекше көзге ілінді. Қыңыр, ұрысқақ, күйеуі Қылышбекке "қашан директор боласың?" деп мазасын алатын ол бұдан бөлек өте пысық, шаруаға икемді, шешен әрі жанашыр жан да бола алатын. Біздің тест сізді осы Айсараға ұқсатып отыр.

"Жаужүрек мың бала" фильмі жарық көрген соң ел ішінде Сартай есімді балалар көбейе бастағанын білесіз бе?Сірә, халық ер мінезді батырды ұнатқан сыңайлы. Туған жері мен халқы үшін жанын құрбан етуге даяр. Кез келгенін істі ақылмен саралап барып бастайды. Досы Таймас сатып кеткеннің өзінде сабыр таныта білді. Сіз де осы Сартай батыр сияқтысыз.