Олар жазға қарай тоқыма полипропилен және геосинтетика өндіру цехына қатысты құны шамамен 3,6 млрд теңге болатын екі жобаны Атырау өңірінде жүзеге асыра бастайды.
Облыс басшысы Махамбет Досмұхамбетов елімізде инвесторлар үшін ерекше жағдай жасалғанына жан-жақты тоқталды.
Инвестициялық климаттың заманға сай қолайлы болуы үшін жылдар бойы құқықтық тұрғыдан ауқымды жұмыстар жасалып келеді. Біз де өңіріміздің инвестициялық мүмкіндігін арттыру үшін бар жағдайды қарастырудамыз. Өйткені, өндіріс қай кезеңде де аймақтың әлеуметтік-экономикалық дамуына оң ықпалын тигізері сөзсіз. Сондықтан, Атыраудың дамуына ықпала ететін инвестициялық жобаларды қолдауға дайынбыз,- деді өңір басшысы.
«УльтраСтаб» ЖШҚ-ның коммерциялық директоры Олег Костылевтың айтуынша, жобаның бірінші кезеңі үшін шетелдік станоктар сатып алынған.
Қазіргі сәтте жобаның бірінші кезеңі үшін 2 шетелдік станоктар сатып алынып, өндіріс машиналарына тапсырыс берілді. Жобаның техникалық-экономикалық негіздемесі әзірленді,-деді О.Костылев.
Яғни, бірінші жоба бойынша — 38 адамды тұрақты жұмыс орнымен қамтитын геосинтетика өндіру цехының қуаты жылына 3 млн шаршы метрді құрайды. Ал 44 адамға тұрақты жұмыс беретін екінші жоба — экструзиондық геосинтетика өндіру цехының қуаты жылына 5 млн шаршы метр болады. Бұл бағытта бірінші кезең үшін арнайы станок сатып алынып, екінші кезеңі үшін өндірістік желілерге тапсырыс берілген.
Аталған компаниялар бастапқыда шикізатты шетелден тасымалдайды. Бірақ, Атыраудағы таяу шетелдердегі ең ірі полимер өндірісіне айналады деп болжанып отырған KPI компаниясының полипропилен жобасының интеграцияланған газ-химия кешені құрылысы аяқталған соң қажетті шикізатты толығымен сол жерден алмақ.
Сол арқылы құрылысқа қажетті сан түрлі дайын өнімдерді шығаруды жоспарлап отыр. Атап айтқанда, олардың бірқатарын автокөлік және теміржол құрылысына, өнеркәсіптік қалдықтарды сақтау мен жағалауды нығайтуға пайдалануға болады. Инвесторлар болашақта өз өнімдерін көршілес елдерге де экспорттауға мүмкіндіктері бар екенін жеткізді.
Айта кетейік, аталған цехтар осы жылдың соңына дейін құрылысын толық аяқтап, өнімдерін шығаруды жоспарлап отыр.
