Зейнетақы жинағындағы қаржыға тіс емдету мен пластика операциясын жасатуға болады

Денсаулық сақтау министрлігі зейнетақы қорындағы емделуге берілетін біржолғы төлемдерді пайдалану туралы бұйрықты тіркеді. 

Бұйрық мерзімінен бұрын 15 ақпанда бекітіліп, Әділет министрлігінде 17 ақпанда тіркелді.

Біржолғы зейнетақы төлемдері есебінен төленетін медицина қызметтері:

  • орфандық ауруларды дәрі-дәрмекпен қамтамасыз етуді қоса алғанда, емдеу, сонымен бірге емдеу тактикасын айқындау үшін диагностика зерттеулері;
  • Қазақстан аумағында орналасқан медицина ұйымдарында көрсетілетін стоматология қызметтері (тісті протездеу, имплантация)
  • операциядан кейінгі тыртықтар мен туа біткен ақауларды, сонымен бірге мастэктомиядан кейін түзету мақсатында реконструктивті және қалпына келтіру операциялары (пластикалық)
  • радионуклидтік және радиойодтерапия
  • радиохирургиялық емдеу
  • протон терапиясы
  • офтальмология қызметтері.

Медицина қызметтерінің осы тізімі халықтың қажеттілігін ескере отырып қайта қаралуы мүмкін, — делінген министрліктің хабарламасында.

Бұл бұйрық алғашқы ресми жарияланған күнінен бастап қолданысқа енгізіледі және жақын арада жарияланады.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз