Қасым-Жомарт Тоқаев Нұртілеу Иманғалиұлының отбасына көңіл айтты

Мемлекет басшысы жеделхатта Нұртілеу Иманғалиұлының халықымыздың рухани байлығын дамытуға мол үлес қосқанын жазды.

Қасым-Жомарт Тоқаев танымал журналист, қазақ телевизиясының ардагері Нұртілеу Иманғалиұлының отбасы мен жақын туыстарына көңіл айту жеделхатын жолдады.

Бұл туралы президенттің баспасөз хатшысы Берік Уәли Facebook-тегі парақшасында хабарлады.

Нұртілеу Иманғалиұлы телевизия саласында өзінің қолтаңбасын қалдырды. Ұзақ жылғы шығармашылық жолда жемісті еңбек етіп, халқымыздың рухани-мәдени байлығын дамытуға мол үлес қосты. Марқұмның жаны жәннатта, иманы саламат болсын, – деп жазылған жеделхатта.

Айта кетейік, 17 ақпан күні таңертең тележурналист Нұртілеу Иманғалиұлы 69 жасқа қараған шағында қайтыс болды.