Нұр-Cұлтан мен бірнеше өңірде мектепте сабақ болмайды

10 ақпанда ауа райының қолайсыздығына байланысты Солтүстік Қазақстан облысы мен Нұр-Сұлтан, Қарағанды, Қостанай оқушылары қашықтан оқиды.

Нұр-Сұлтанның білім басқармасы 10 ақпан күні мектепте сабақ тоқтатылғанын хабарлады.

10.02.2021 жылы ауа райының қолайсыздығына байланысты қала мектептерінің бірінші ауысымындағы 0-4 сынып оқушылары үшін сабақ қашықтықтан оқыту форматына ауысады, – делінген Білім басқармасы таратқан хабарламада.

Сонымен бірге ауа райының қолайсыздығына байланысты Солтүстік Қазақстан облысында да 0-9 сынып оқушылары үшін мектепте сабақ болмайды. Облыстық төтенше жағдайлар департаментінің хабарлауынша, 27 градусқа дейін суық болады.

10 ақпан күні Қостанай қаласының 0-4 сынып оқушылары қашықтан оқиды. Өңірде 28 градус шамасында аяз болатыны хабарланды.

Қарағанды мен Теміртау мектептерінде сабақ тоқтатылды. 0-5 сынып оқушылары 10 ақпанда үйден оқиды.