Ауа райы: алдағы 3 тәулікте күн жылы болады

Синоптиктер 4-6 ақпан күндеріндегі ауа райына болжам жасады. Алдағы 3 күнде ауа температурасы көтеріледі.

Болжам бойынша Қазақстан аумағына Атлантика циклоны ығысады. Соның әсерінен жауын-шашын жауады, солтүстік өңірлерде қардың соңы жаңбырға ұласуы мүмкін.

Сонымен бірге көктайғақ, тұман болады және бүкіл ел бойынша ауа температурасы көтеріледі, – деп хабарлады “Қазгидромет” кәсіпорнының баспасөз қызметі.