Қазақстанда Экономикалық қылмыстармен күрес агенттігі құрылады

Қазақстанда Экономикалық қылмыстармен күрес агенттігі құрылады. Бұл туралы президент Қасым-Жомарт Тоқаев айтты.

Президент жалған кәсіпорындар мен әдейі салық төлемейтіндерге қарсы жұмысты жүйелі түрде күшейтуді талап етті.

Ресми бағалаулар бойынша ішкі жалпы өнімнің төрттен біріне, ал Дүниежүзілік банктің деректері бойынша 40%-ке жуығы “көлеңкелі” аймақта екен.  “Көлеңкелі” экономикаға қарсы күрес жөніндегі шараларды жүзеге асыру үшін Экономикалық қылмыстармен күрес агенттігі құрылады, – делінген Ақорданың баспасөз қызметі таратқан хабарламада.

Айта кетейік, Қазақстанда Экономикалық қылмысқа және сыбайлас жемқорлыққа қарсы күрес агенттігі 1994 жылдан бері жұмыс істеді. 2014 жылдың тамызында ведомство таратылды.