Алдағы үш тәулікте аяз 40 градусқа дейін күшейеді

"Қазгидромет" синоптиктерінің болжамына қарағанда, Салехард аудандарынан келетін суық антициклон 23-25 қаңтар күндеріндегі ауа райына әсер етеді.

Алдағы үш тәулікте жауын-шашын тоқтайды және ауа температурасы төмендейді.

Оңтүстік аймақтарда 20 градус аязға дейін, солтүстік аймақтарда 40 градус аязға дейін суық болады. Еліміздің кей өңірінде жел күшейеді және тұман түседі, – делінген хабарламада.