Қазақстанда өткен тәулікте пневмониядан өлгендер тіркелмеді

Қазақстанда 27 желтоқсан күні пневмония жұқтырғандар арасында бірде-бір өлім дерегі анықталмады. Бұл туралы Денсаулық сақтау министрлігі хабарлады.

Ведомство мәліметінше, бір тәулік ішінде пневмонияның 27 дерегі тіркелді, 54 адам жазылып шықты.

2020 жылдың 1 тамызынан бастап 45 442 адам коронавирус белгілері бар пневмония жұқтырды, 490 адам қайтыс болды, барлығы 32 830 адам жазылды.

Айта кетейік, Қазақстанда өткен тәулікте коронавирустан 10 адам қайтыс болды.