Нұр-Сұлтандағы дәмхананың бірінде жарылыс болды

Нұр-Сұлтанда палау жасайтын дәмханада газ баллоны жарылып, бір адам қайтыс болды. Бұл туралы Tengrinews.kz Төтенше жағдайлар министрлігінің ресми өкілі Талғат Уәлидің мәліметіне сілтеме жасап хабарлады. 

2020 жылғы 21 қарашада сағат 12.25-те Нұр-Сұлтанның Төтенше жағдайлар департаменті кезекші-диспетчер қызметі пультіне дәмхананың бірінде газ баллоны жарылғаны туралы хабар түскен.

Фото: Төтенше жағдайлар министрлігі

Оқиға орнынан өрт сөндірушілер барғанда үйдің ішінде бір қыз бен 15 газ баллоны бар екені анықталған. Жарылыстан ас бөлмесіндегі шатыр құлап түскен, – дейді ҚР ТЖМ ресми өкілі Талғат Уәли.

Алдын ала мәлімет бойынша, дәмханадағы қыз үйінді астында қалып, қайтыс болды.

Фото: Төтенше жағдайлар министрлігі

Оқиға орнында Нұр-Сұлтанның ТЖД өкілдері, Апаттар медицинасы орталығының 21 құтқарушысы мен 5 техника жұмыс істеп жатыр.